POLAROID

LAKURIQ

Ishte pëRsëri dimër, ftoht e ndonjëherë (por jo aq shumë si vitin e kaluar) edhe pa rrymë, ujë dhe vaska pa shkumë, në qytetin tonë ngjyrë hiri pa lumë. Megjithatë nuk ishte kjo më ëndërr e çuditshme për neve apo burim depresioni për muzikën tonë. Kësaj here sikur nuk na la përshtypje gjendja e cila gjatë albumit ‘Polaroid’ nga ngulfatte. Sikur u bëmë imun nga ky burim depresiv-nxitës. Kuptuam që mungEsa e gjërave sa elementare aq edhe banale, nuk prodhonte më impulse të denja për arritjen e pragut të ngacmueshmërisë tonë kreative. 

MegjithaTë, duket se është i paevitueshëm inkorporimi i inspirimit të pafund që gjithmonë na e jep Prishtina. Madje edhe në temperaturat më të ulta që ta dridhin palcën. E donim Prishtinën më shumë se kurdoherë tjetër.

‘Qika pRej Tiranës’ ishte bashkudhëtare e jona në këtë shtegtim prandaj ishte gjithashtu i pamundur evitimi i inspirimit me ngjyra të ëmbla ‘Tironse’. Ky album është simbiozë virgjine e Prishtinës dhe Tiranës. Më n’fund…

E dimë që nuk e meritOn, por ne kësaj here do t’ja kushtojmë jo më shumë se një paragraf muzikës për konsum të gjërë që lirshëm përshkohet tejpërtej me tinguj klandestinë nga më të llahtarshmit që i njeh natyra.

Vetëm dojmë ta cekim se ‘tingujt e skafeve’, kryesisht pseudo-oriental, vazhdojnë të na preokupojnë dhe brengosin pamasë. Por, këto klithma të retardume që të tjerët i quajnë turbo-folk, e të cilat disave ua thellojnë vrimat e zeza në tru, neve vazhdojnë të na e forcojnë idealin e krijimit të muzikës jokomerciale, që del prej nesh sInqerisht, e zhveshur - LAKURIQ.

Ashtu si premtuam pas albumit te parë ‘Polaroid’, RetroviZorja prodhoi albumin e dytë ‘Lakuriq’ në dimnin 2004.  Mbi idealin e lartëpërmendun ne filluam punën tonë edhe në këtë album. Institucionet tona ishin përsëri indiferente dhe si pasojë  ne detyrimisht e inkurajuam vehtën ta shohim edhe një herë ‘kulqedrën e Skocisë’ dhe rrjedhimisht vendosëm që për hir të ndëgjuesve tonë ia vlen të publikojmë edhe një grup këngësh.

Kësaj here ndodhën dy shtegtime me fluturake. Përseri ndodhi ai udhëtimi i stërgjatë, abnormal dhe rraskapitës si dhe një tjetër i ngjashëm por më i shkurtë. Herën tjetër ndOshta nuk do të ketë nevojë për këto “shtegtimet e stërgjata dhe abnormale me fluturake” dhe si pasojë ajo energji do të shfrytëzohet në koncerte ‘live’ për ju.

Në “Lakuriq”, Retrovizoja në njërën anë ishte e rrudhosur nga njëri prej ish-anëtaRëve të saj por në anën tjetër e pasuruar me mysafirin tonë special Elina Dunin e cila na la përshtypje të jashtzakonshme në çdo aspekt.  Poashtu, ky album ngërthen dhe shtjellon një dozë më të lartë të energjisë tonë pozitive, e cila shpresojmë që do të reflektohet edhe tek Ju.

I falënderojmë të gjithë ata që patën kurajo dhe nerva të na mbështesin gjatë gjithë kësaj kohe por para së gjithAsh ndëgjuesit tonë.  

Gjithashtu falënderojmë Zana Shehun, Dorian Ahmetin, Ergin Kuke, Valon Jusufin, Penar Musaraj, Fani Kuke dhe Justin-en për mbështetjen e tyre e të cilët për shkak të procedurave të zakonshme idiotike gjatë plastifikimit të albumit kemi harru t’i falënderojmë personalisht.